Ikte álmmuhi Riddu Riŋđu ahte áittoálgán buvttadeaddji heittii virggistis.
Hárjánan bargit
Henrik Olsen lohká gal hástalussan fáhkka njuiket buvttadeaddji doibmii. Lill Janne Legård heittii mannan vahkkus doaimmas, dušše mánu ovdal riemuid.
– Mus lea lihkku dan dáfus go leat ollu hárjánanbargit buvttadeaddjejoavkkus, nu ahte sávan dát manná bures, čilge Olsen.
Ollu jagiid mielde
Riddu Riđu buvttadeaddji ii leat gal easkaálgi, go son lea guhká leamaš mielde lágideamen doaluid Gáivuonas Davvi-Tromssas. Olsen lei earret eará mielde ásaheamen dieid riemuid.
Prográmma gárvánišgoahttán
Riddu Riđu buvttadeaddji Henrik Olsen ii oainne dárbbu rievdadišgoahtit festiválaprográmma, mii meastta lea gárvvis.
– Dat mii lea prográmmas lea jo measta áibbas čielggas, danin eat rievdadišgoađe šat maidiige, deattuha Olsen.