Ådå biskoahppa Oarjje-Hålogalatte bisspagåtten, Ann-Helen Fjeldstad Jusnes sihta samegiella galgga juohkka mæsson gullut.
– Juohkka mæsson, juohkka sajen dán bisspagåtten galggá dáhpen liehket juohkka bále juoga sámegiellaj galggá gullut. Edesik soames oase nav vaj sjaddá dáhpen sámijda, ja aj dajda gudi ælla sáme.
Girkkuj sæbrrat
Biskoahppa vielet julevsámegielev, ja javllá julevsámegielas la sierralágásj åvdåsvásstádus. Dav de hasot ålles bisspagådde vielet. Duodden aj sámegiella aneduvvá juska ælla sáme mæsson.
– Juska alla same jur dan mæsson, de la huoman ájnas samegielav adnet, danen gå dat tjielggi gájka máhtti girkkuj sæbrrat.
– Jus sámegielav adnep dåssju gå diehtep soames sábme l girkkon, de sjaddá dagu juoga mij sijáv guosská. Valla jus juohkka mæsson sámegiella gullu, de dættodip dav at girkkolasj aktisasjvuohta la aktisasjvuohta sámijs ja dáttjajs.
Valjesvuodav tjalmostit
Biskoahppa dal vuojnná gássjelsivuodav agev sámegielav adnet, valla dat la gåjt suv ulmme.
– Ulmme l dav valjesvuodav tjalmostit mij la ulmutjij gaskan, ja aj nannit dav gielav mij muhtemijda ij lim loahpe adnet. Unneplåhko galgga avtastahteduvvat, ja sebrudagan oasev válldet, nav vaj unneplåhko aj juoga sebrudahkaj vaddá.