Váidet Deanusoahpamuša
Deanu čázádaga luossasearvvit leat Sis-Finnmárkku diggegoddái sádden váiddaášši, mas oaivvildit Norgga ja Suoma gaskasaš Deanusoahpamuš rihkku báikkálašolbmuid vuoigatvuođaid. Okta čuoggáin lea go stáhta addá bivdovuoigatvuođaid lulli-Suoma bartaoamasteaddjiide. Váidaga duogábealde leat Deanučázádaga luossabreavaeaiggádat ja Deanučázádaga luossabivdosearvi.