NRK Meny

Váidá biebmoluossaplánaid

Stránda-ássi ja govvadáiddár Ingunn Utsi dadjá ahte dovdo dego veahkaválddálašvuohtan go Grieg Seafood ásaha biebmoluossagárddiid Reihvági lahka, Olggut Porsáŋgguvuonas. Nu cealká Finnmarkspostenii. Utsi ballá ealáhus nuoskkida vuona, ja váikkuha vuotnaguollái. Grieg Seafood gulahallanolmmoš fástida ahte mearračázis lea dan veardde buorre rávdnji, ahte ii boađe nuoskkidit. Ingunn Utsi lea váidán biebmoluossaplánaid Finnmárkku fylkkamánnái.