Hopp til innhold

Váhnemat Guovdageainnu suohkanis gáibidit ahte njealjebeaivásaš skuvlavahku heaittihuvvo

2013:is álggahii Guovdageainnu suohkan njealjebeaivásaš skuvlavahkku, seastin dihte ruđa. Dál gáibidit váhnemat ahte ortnet heaittihuvvo.

Guovdageainnus leat ortnet nu ahte sis leat njealjebeaivásaš skuvlavahkot, gos oahppit šaddet guhkit leat beaivválaččat, vai sestet sáhttoolggosgolu.

– Mun duššástuvan, ja nu váivašuvan mánáid bealis, go skuvlabeaivvit bistet beal ovccis beal golmma rádjai, sii váibet badjelmeari ja eai veaje šat leavssuid bargat dahje eará astoáiggedoaimmaid go bohtet ruoktot, muitala váhnen Guro Nordgaard Siri.

Leat guhkit áigge leamašan vuostemielalašvuohta ahte galgá go suohkan doalahit dahje heaittihit ortnega, ja maŋimuš árvvoštallan lei 2016:s. FAU nubbi jođiheaddji Tim Valio dagai váhnenjearahállama dán birra dán geassemánus gos 83,3 proseantta sis vástidedje ahte háliidit vihttabeaivásaš skuvlavahku fas.

Kultuvra- ja bajásšaddanovttadaga suohkanjođiheaddji, Bodil Utsi Vars, muitala ahte suohkan áigu ođđasit árvvoštallat ortnega maŋŋá geasseluomu. Raporta dás galgá leat gárvvis juovlamánus.

Kautokeino barne og ungdomsskole.

Foreldre krever slutt på firedagers skoleuke: – Jeg blir oppgitt

I 2013 innførte Kautokeino kommune firedagers skoleuke for å spare penger. Nå vil foreldrene at ordningen avvikles.

Korte nyheter

  • Dálkkádat- ja birasministtar oaivvilda ahte Suopma lea rihkkon ovttasbargošiehtadusa

    Les på norsk.

    – Mu mielas lea duođalaš.

    Nu dadjá Dálkkádat- ja birasministtar Andreas Bjelland Eriksen (Bb) maŋŋá go lea čájehuvvon ahte Suoma bealde Deanu besset luosa bivdit.

    Son muitala ahte Norgga ja Suoma eisseválddit leamaš ovttaoaivilis giddet deanu dalle go deaivvadedje giđđat digaštallat dili.

    Son lea hirpmástuvvan go nu ii leat.

    – Dat lea balddihahtti, ja dan mii čuovvolat suoma eiseválddiiguin, lohká son.

    Ealáhus-, johtolat- ja birasguovddáš Lapplánddas lea addán sierralobiid báikkálaš luossabivdiide Suoma bealde Deanu.

    Sis lea eará oaivil go Bjelland Eriksen:as.

    Guovddáš atná sámi guolástankultuvrra seailluheami hui deaŧalažžan ja lea dan deattuhan iežas árvvoštallamis.

    – Suoma Natural Resources Instituhtta dutkiid dieđuid mielde ii galgga 50 luosa bivdimis luossanálli uhkidit.

    Dan čállá guovddáža guolástusossodaga doaibmi jođiheaddji, Heikki Laitala NRK:i.

    Son oaivvilda ahte sii leat čuvvon bivdonjuolggadusaid, muhto ahte sii leat geavahan árvvošteami.

    Møte i Oslofjordrådet
    Foto: Lars Tore Endresen / NRK
  • UiT:s eanemus guorus oahpposaji

    Les på norsk.

    UiT - Norgga árktalaš universitehtas (UiT) leat eanemus guorus oahpposajit iežaset oahpuin buot Norgga universitehtain ja allaskuvllain. UiT:s leat ain 72 oahpus guorus sajit.

    Nu čájehit logut Samordna opptak:as.

    51 dáid oahpuin gullet Romssa oahppobáikái. Eará oahput gullet oahppobáikkiide Álttás, Áhkkánjárggas, Bådådjos, Måefies ja Hársttákas.

    Lávvardaga suoidnemánu 20. beaivvi dii. 09.00 rahppo vejolašvuohta ohcat guoros oahpposajiid. Guoros sajiide besset dađistaga ohccit, ja danin berre ge ohcat árrat.

    Leat oktiibuot 501 guorus oahpposaji Norgga universitehtain ja allaskuvllain.

  • Verddečiekčamat álgán

    Dán vahkkoloahpa lágiduvvojit Verddečiekčamat Buvrovuonas.

    21 dievdojoavkku ja 4 nissonjoavkku galget bearjadaga ja lávvordaga čiekčat oktiibuot 76 čiekčama.

    Dát dievdojoavkkut gilvalit:

    Deatnogátte Searat

    Låvan IL

    MÁHKARÁVJU-SIIDA, Marbolon, Mauken

    Reisa JR

    Suolohasat_Joahkonjárga

    Ábborášša

    Fiettar_Sievju

    Hjemmeluft BK

    Lopphavet

    Mowi

    Spiertagáisá_Lágesduottar

    Fávrrosorda

    KOIF

    Kvænangen_Návuotna United

    Mælen Navuotna

    Skuohtanjárga

    Indre Kvænangen

    Lákkonjárga

    Langfjorden

    Rotsund Rangers

    Silvetnjárga

    Dát nissonjoavkkut gilvalit:

    Joahkohágat

    Lákkonieiddat

    Reisajentene

    Áidonat

    Amanda Karoline Jørgensen er med i Verddeturneringen
    Foto: Liv Inger Somby/NRK