Váhkui eai leat boahtán dorvoohccit

Sotnabeaivvi eai ge boahtán dorvoohccit ja báhtareaddjit badjel rájá Ruoššas Norgii, Storskog tuollostašuvnna bokte Mátta-Várjjagis, dan eai leat dahkan váhkui. Dorvoohcciid lohku lea sákka njiedjan maŋŋá go Norga čavgii riikarájidárkkisteami Storskog tuollostašuvnnas. Váikko dorvoohcciid lohkku lea sákka njiedjan daid maŋemuš beivviid ja vahkuid, de bohte skábmamánus oktiibuot 8.163 dorvoohcci Norgii, mii lei binnánaš unnit go golggotmánus, dalle bohte 8.666. Dán rádjai dán jagi leat 30.110 dorvoohcci ja báhtareaddji boahtán Norgii.