NRK Meny
Normal

USAs huŧkan ođđa vuogi

USAs lea ođđáigásaš teknologiija mas lea ulbmil bivdit eret biebmoluosaid jogain, vai dát eai seahkanivčče eamiluosain.

Illustrasjon oppdrettsanlegg

Máŋgga luossajogas lea stuorra váttisvuohta dainna go gárdeluossa gárgida ja seahkana eamiluosain.

Foto: Villa

Deanu čázadaga luossabrevaeaiggádiid searvvi ovddeš jođiheaddji Reidar Varsi liikošii jus dát teknologiija boađášii Norgii go Deanu luossa lea divrras sutnje.

Norggas lea dál anus dološáigasaš bivdovuohki sirret biebmoluosaid eret luossajogain.

USA ođđaáigasaš bivdovuohki lea govda silli mii govdu, muhto bissu čázevuolde go dát lea johkabotnis gitta. Go luossa johtá dán silli mielde johkagierragii, de vuodja gahččá lánjá sisa, gos lea álki sirret biebmoluosaid eret ja johkaluosaid luoitit fas.

Vaikko dát ođđaáigasaš bivdovuohki lea geavahuvvon Ámerihkas sullii 20 jagi, de eai leat Norggas fuobmán dan ovdal dál. Mearraduŧkan instituhta dutki, Øystein Skaale mielas lea dát ártet, ja háliida ge dál buoret ovttasbarggu ámerihká duŧkiiguin.

Norggas báhtaredje jagis 2006 lagábuid mijon gárdeluosa. Dasa sáhttá vel lasihit loguid mat eai leat dieđihuvvon eiseváldiide.

Duŧki čilge ahte vearrámus váikkuhus dasgo gárdeluosat eai bivdo eret jogain, lea ahte joga luossanáliid árbeavdnasat báidnášuvvet.

Vaikko luossabivdi Reidar Varsi lohká hui unnán gárdeluosa Deanu čazadagas, de lea mielas suddjet čázadaga luossanáliid.