NRK Meny
Normal

Sámegiella bázahallan sosiála mediain

Doavttirdutkkus čájeha ahte teknologalaš hehttehusat heađuštit unnitálbmotgielaide čállit sosiála mediain.

Doktoravhandling om minoritetsspråk i sosiale meider

Dutki Niamh Ni Bhroin, gii ieš hállá unnitálbmot iiragiela, lea iežas doavttirgrádadutkosis guorahallan davvisámegiela ja iiragiela geavaheame sosiála median.

Doavttergráda dutkkus čájeha ahte sámegiella sosiála mediain, deaivida eanet heađuštusaiguin go majoritehta gielat. Ovdamearkka dihtii, de bođii sierra tastatuvra sámegillii easkka mannan jagi iPadii ja iPhone telefovnnaide.

Álkkit čállit dárogillii

Oahppi Sámi joatkkaskuvllas, Lisa Skoglund, dadjá iežas eanaš čállit dárogillii sosiála mediain.

Lisa Skoglund

Lisa Skoglund lohká geavahit sihke sámi-, dáro- ja eangalasgiela sosiála mediain.

Foto: Piera Balto

Son lohká okta hástalusain sámegillii čállit lea go telefovnnain eai gávdno divvunprográmmat, ja ahte lea lassibargu viežžat sámegielbustávaid dihtorii ja telefovdnii.

Bhroin lea sosiála mediain čuvvon 22 iiralaš - ja sámegiel bloggejeaddji čállosa beannot jagi ja lea geahčadan sin láhttema ja gulahallama. Das son čalmmustahttá maiddái mo sii geahččalit ásahit ođđa ja viidát vuođu gillii. Jus unnitálbmotgielat galget birget, de fertejit giellageavaheaddjit, kommersiála ja almmolaš ásahusat ovttasbargat vai olbmot besset čállit iežaset gillii sosiála mediain.