Hopp til innhold

Unnan ságastallon áhčigiela birra

Áitobáliid lea ilbman girji maid čálli lea gohčodan "Áhčigiella". Gerd Mikalsen Olmmáivákkis lea čállán iežás vuosttaš romána.

Gerd Mikalsen med boka "Farsmålet"
Foto: Klemet Anders Sara / NRK-Sápmi

Girjjis čuovvut Alma nieiddažin gittá dassái šattái rávisolmmožin, sihke buorit ja váivves vásahusaid bokte.

Mánnávuohta

Girječálli, Gerd Mikalsen lea válljen muitalit romána dáhpahusaid Olmmáivákkis. "Áhčigiella" lea dárogiella, mii lea dego láhka, mearrideaddji giella lohká Mikalsen. Váldoolmmoš girjjis, Alma vásihii ahte ruovttus ii galgan sámástit, ja erenoamaš su áhčči deattuhii dan ahte dušše dárogiella galggái gullot sin viesus. Eadni gal lávii sámástit go boazosámit bohte guossái. Áhčči gal dárustii ruovttus vaikko gii finái guossis.

Girječálli muitala vuđđolaččat mo Alma dilli go vuođđoskuvlii alggii, ciealahuvvui ja ahte Alma ii loktán skuvlavázzimis ovdal sirdojuvvui B-luohkkái. Dalle dovddái easka iežas oaddjebassan. Mánnávuođas lei maid dan aiggi lunddolaš fitnat rohkosin, ja doppe ii lean buot mii lei Alma mielas nu suohtas.

Ollesolmmožin bođii diehtit ahte áhčči han sámásta

Girječálli muitala dáhpahusa birra go Alma lei áhčiinis mielde golmmá riika rádjái čuoigga. Guokte máttánorgalačča ledje sin fárus, go áhčči muitala sidjiide ahte son máhttá sámegiela. Dát dieđosge suorggahii Alma garrasit. Dát dáhpahus čuovui guhká Alma eallimis viidaset.

Girječálli čájeha ollesaiggi ahte Alma ja áhči oktavuohta ii lean nu buorre, mii vuhto čađat dáhpahusain.

Čalmmusdahtta mearrasámiid gielladili

Gerd Mikalsen

Olmmáivággilaš Gerd Mikalsen muitala ahte válljii čalmmusdahttit 'Áhčigiella' girjji čalmmusdahttit mo gielladilli lea leamaš ja ain lea mearrasámi guovlluin.

Foto: Klemet Anders Sara / NRK-Sápmi

Girječálli čalmmustuhta maid mearrasámiid dili dan aiggi go ovttastalle siseatnan sámiiguin, erenoamaš giela dáfus. Mearrasámi nuorat eai duostá sámástit siseatnan sápmelaččaiguin go balle ahte eai máhte doarvái bures. Dán sáhttá buhtastahttit otná beaivái maid, lohká Mikalsen.

Girji lea čállon dárogillii go girječálli ii máhte sámegiela čállit. Girji jorgaluvvo maid sámegillii, ja Mikalsen jáhkká ahte dát girji heive buohkaide. Boahtte distaga lea almmolaš girjealmmuheapmi Romssagávpogis, ja Mikalsen lohká ahte lea veahá balus go son han ii leat goassege ovdal leamaš dakkár olmmoš gii galgá guovddážis.

Gulá Gerd Mikalsen muitaleamin "Áhčigiela" birra:

Gerd Mikalsen 'Áhčigiella'

Korte nyheter

  • Ruošša: Mis leat 6000 ukrainalaš soahtefáŋgga

    Ruošša suodjalusdepartemeanta čuvdii duorastaga, ahte sis leat eambbogo 6000 ukrainalaš soahtefáŋgga. Gaskavahku čađahedje Ukraina ja Ruošša vuosttaš fáŋgalonohallama das rájes go soahti álggii. Goabbáge bealli luite 144 soahtefáŋgga luovusin.

    Buss med ukrainske krigsfanger fraktes fra Mariupol
    Foto: ALEXANDER ERMOCHENKO / Reuters
  • Oslo Pride ii háliit lágidit maidige dál

    Oslo Pride jođiheaddji Inger Kristin Haugsevje lea duhtavaš go áittadássi ii navdo šat nu stuorisin. – Mii almmatge eat áiggo maidige lágidit Oslos dál. Váldit geasseluomu ja de digáštallat geainnu viidáset luomuid maŋŋá, čilge Haugsevje NRK:ii.

    Spontan Pride-feiring i Oslo.
    Foto: Privat
  • Dagahedje váttisvuođaid, norgga neahttabáikkiide

    Ikte fallehedje Ruošša hackerat Norgga neahttabáikkiid Nugo Altinn, bargobearráigeahču ja máŋga mediaviesu vásihedje váttisvuođaid neahtain. Diehtojuohkki instituhta professor Audun Jøsang lohká fitnodagaid ja almmolaš institušuvnnaid geain lea buorre IT gearggusvuohta, nákcejit giehtaguššat dán lágan fallehemiid ja divvut neahttafálaldaga fas oanehis áiggis. Ulbmil dán lágan fallehemiin lea dagahit eahpesihkkarisvuođa álbmogii ja politihkkáriidda, mii sáhttá fas váikkuhit boahtte áiggi mearrádusaide, lohká Jøsang.

    Cyberforsvarets cybersikkerhetssenter på Jørstadmoen
    Foto: Anette Ask / Forsvaret