Unjárga soaitá váldit dorvoohcciid

Eanas sámi suohkanat eahpidit. Muhto Unjárgga sátnejođiheaddji Inger Katrine Juuso gal áigu árvvoštallat cegget dorvoohcciruovttu.

Inger Katrine Juuso
Foto: Nesseby kommune

GULDAL: Dorvoohccit sámi suohkaniidda

Vaikko Juuso ii daja leat go sii gergosat ásahit dorvoohcciide ruovttu, de ii hilggo dan jurdaga.

– Fertet árvvoštallat sáhttit go fállat sidjiide albma dili. Leat go mis doarvái viesut, ja leago sidjiide dearvvašvuođafálaladat, dadjá Juuso.

Eai suitte

Norgga olgoriikkalaččaid direktoráhtta lea čállán reivve buot suohkaniidda Norggas, danne go 5000 ođđa dorvoohcci dárbbašivčče saji. Direktoráhtta áiggošii áinnas sin davvi-Norgii.

Muhto sihke sámi ja eará Finnmárkosuohkanat leat eahpesihkkarat. Poršáŋggu sátnejođiheaddji Mona Skanke ii loga sin oba suitit ge váldit dorvoohcciid orrut sin suohkanii.

Ballet váttisvuođain

Guovdageainnu Ovddádusbellodaga ovdaolmmoš Nils Mathis O. Hætta gal ii loga suohkana gearggusin váldit vuostá dorvoohcciid. Su oainnu mielde šattaše olu váttisvuođat:

GULDAL: Eai gearggus dorvoohcciide

Oanehaččat

  • Ambassáda ovddasteaddjit

    Thailandda ambassáda ovddasteaddjit bohtet Kirkonjárgii otne. Go thailandalaš nisu ja su bárdni godduiga ievttá čuovganeapmái. Maiddái rihkuspolitiijat (KRIPOS) leat dál Kirkonjárggas dutkamin goddimiid. 59-jahkásaš almmái guhte lea áššáiduhtton áššis go galgá leat báhččán dán guoktása, lea ain doaktáriid divššus, davvi-Norgga Universitehta buohcciviesus Romssas.

Laster Twitter-innhold

På forsiden av NRK Sápmi nå