NRK Meny
Normal

Unjárga illuda olmmošloguin

Vuosttaš geardde máŋgga jahkái leat Unjárgii lassánan olbmot.

Inger Katrine Juuso
Foto: Nesseby kommune

– Dát čájeha ahte min doaimmat leat lihkostuvvan, lohká sátnejođiheaddji Inger Katrine Juuso:

GULDAL: Lassi unjárgalaččat

Unjárggas leat guhká rahčan oažžut eambbo olbmuid gildii. Ja dál viimmat lea olmmošlohku lassánan diimmáža rájes. Unjárgga sátnejođiheaddji Inger Katrine Juuso lohká iežaset lihkostuvvan doaimmaineasetguin.

Rahčan

Moadde jagi dassái njiejai lohku vuollel 900:ái, ja diibmá ledje 856 ássi gielddas. Muhto diimmážis lea dát jorggihan, ja dán jagi leat moaddenuppelot ássi eambbo go diibmá. Olmmošlohku lea dál 869.

Eanet riegádan

Okta čilgehusain lea go leat riegádan eanet olbmot go leat jápmán. Dat lea earenoamáš somá sátnejođiheaddji mielas, gii máŋga jagi lea viggan lahčit dili nu ahte bearrašat ásaiduvvet gildii.

Sávvá oktiičaskinsága čoaskut

Unna álbmogačča dihte leat máŋgii evttohuvvan ovttastahttit Unjárgga gieldda ránnjágielddain Deanuin. Dál go olbmot lassánit, de doaivu Juuso ahte dát digaštallan jaskkoda.