Hopp til innhold

Unjárgga boarrasát barget ieža

Unjárggas lea boarrásiidsearvi/ penšunisttasearvi moadde jagi áigi oasttán alcceseaset dálu. Dán leat dál divodan juo buorremuddui, olggobeali leat dál gárvemin.

Divodit iežaset dálu
Foto: Anne Olli

Gula ášši

Barget nuvttá

Searvvi miellahttut leat ovttasráđiid divodeamen dálu maid leat oasttán. Moadde jagi leat gal ruđaid viggan háhkat máŋgga lahkai, sihke básáriid ja eará doaluid oktavuođas. Ruhtadoarjagiid maid leat ohcan sihke fylkkas ja Sámedikkis, nu muitala Unjárgga penšunisttasearvvi jođiheaddji Nils Einar Mathisen.

Nils Einar Mathisen

Nils Einar Mathisen

Foto: Anne Olli

Olu leat juo gárvvistan

Sii leat gárvvistan váldolanja, lanja gos čoahkkimiid dollet ja maiddái láigohit earáide sin doaluide. Dál áiggošedje stuoridit hivssega ja gievkkana. De olu lea ain bargu ovdal go buot lea gárvvis. Goit váldolatnja dánsenláhtiin lea gárvvis, ja searvvi jođiheaddji Nils einar Mathisen lohká dás leat juo vejolaš dánsestit.

Dánsenláhtti juo árvvis

Dánsenláhtti juo gárvvis

Foto: Anne Olli

Vuorddašit doarjagiid

Dál vuorddašit vástádusa Sámedikkis, go Sámedikkis leat sii ohcan doarjaga iežaset doibmii. Ja jos doarjagiid oččošedje, na de livččii vejolaš geavahišgoahtit olles dálu. Nuvttá sii barget gal, muhto ruhta fertešii mainna ávnasiid oasttá.

Bargit bosihastimin

Bargit bosihastimin

Foto: Anne Olli

Dállu geaidnoguoras

Unjárgga penšunisttaid dállui álki beassat, erenoamážit dálvit, go dállu lea áibba geaidno guoras Unjárgga girkobáikkis. Dán dállui besset bures juolggeheamit ja juvlastuollogeavaheaddjit. Lagabui geainnu iiba beasašiige.

Unjárgga penšunisttaid dállu
Foto: Anne Olli
Publisert

Sámi boarrásat

Mer om: Sámi boarrásat

Mer fra NRK Sápmi

Korte nyheter

  • Ođđasat - Davvisámegillii

    Ávvudit máilmme girjebeaivvi Lukkari divttaiguin

    Dán jagi ávvuda «Mun Dajan - Foreninga Samiske forfattere» Máilmme lohkanbeaivvi Rauni Magga Lukkari rikkis poesiijain.

    Dat dáhpáhuvvá odne eahkedis Romssa sámi viesus Romssas.

    Lukkari válddii gieskat vuostá gonagasa ánsumedáljja ja Romssa ja Finnmárkku fylkka kulturbálkkašumi. Son lea doaibman girječállin ja girjegoastideaddjin 35 jagi. Son lea maid čállán máŋga prologa festiválaide ja ávvudemiide, ja dasa lassin divttaid ja teáhterčájalmasaid.

    Máilmme girje- ja vuoigŋaduodjebeaivi (maiddái gohčoduvvon máilmme girjebeaivin) lea ON-beaivi mii ávvuduvvo cuoŋománu 23. beaivvi.

    Dát ávvubeaivi mearriduvvui ON oahpahusa, dieđálašvuođa, kultuvrra ja gulahallama (UNESCO) váldočoahkkimis jagis 1995.

    Les på norsk

    Forfatter Rauni Magga Lukkari
    Foto: Anne Olli / NRK
  • Ođđasat - Davvisámegillii

    Sámediggi doarju Finnmárkku spábbačiekčanbiirre barggu vealaheami ja rasismma vuostá  

    Sámediggi juolluda 400.000 kruvnna doarjjan Finnmárkku spábbačiekčanbiirre prošektii MII-MET-VI.

    Prošeavtta ulbmil lea eastadit vealaheami ja rasismma spábbačiekčama bokte deaivvadanbáikin. Jurdda lea spábbačiekčama bokte hukset lagat oktavuođaid olbmuid ja servodagaid gaskkas Finnmárkkus.

    Doarjja juolluduvvo Sámedikki regionálaovddidanprošeavttaid doarjjaortnegis.

    – Mii iluin doarjut MII-MET-VI. Sámediggi jáhkká ahte prošeakta sáhttá čájehit mo boahtteáiggis sáhttá bargat rasismma ja vealaheami eastademiin. Lea hirbmat buorre ahte aktevra nu go Finnmárkku spábbačiekčanbiire váldá hástalusa duođalažžan ja searvá dehálaš eastadanbargui, dadjá sámediggepresideanta Silje Karine Muotka (NSR).

    Imaštalat go maid MII-MET-VI mearkkaša?
    Dat leat dat vuosttaš sánit prošeavtta čuorvvassániin – davvisámegillii, kvenagillii ja dárogillii:

    Mii leat seamma joavkkus!

    Met olema samassa laakissa!

    Vi er på samme lag!

    I den første cuprunden mellom Alta IF og Kirkenes IF ble MII-MET-VI-prosjektet markert før kampstart.
    Foto: Anders Abrahamsen / Finnmark Fotballkrets
  • Ođđasat - norsk

    Feirer verdens bokdag med Lukkaris poesi

    I år feirer «Mun Dajan - Foreninga Samiske forfattere» Verdens lesedag med Rauni Magga Lukkaris rike poesi.

    Det skjer i kveld på Romssa sámi viessu i Tromsø.

    Lukkari mottok nylig kongens fortjenestmedalje og Troms og Finnmarks fylkes kulturpris. Hun har virket som forfatter og forlegger i 35 år. Hun har også skrevet utallige prologer til festivaler og jubileer, i tillegg til dikt og skuespill.

    Verdens bok- og opphavsrettsdag (også kalt verdens bokdag) en FN-dag som markeres 23. april.

    Det ble vedtatt av generalforsamlingen til FNs organisasjon for utdanning, vitenskap, kultur og kommunikasjon (UNESCO) i 1995.

    Loga sámegillii

    Rauni Magga Lukkari
    Foto: Dan Robert Larsen / NRK

Langlesing

Gahčosat

  • Telefon Kárášjohka:  78 46 92 00
  • E-post:  sapmi@nrk.no
  • E-post nyhetsredaksjon:  saminyhetsavdeling@nrk.no
  • Redaktør NRK Sápmi:  Johan Ailo Kalstad
Norsk Presseforbund, logo.

Vi arbeider etter
Vær Varsom-plakatens regler
for god presseskikk.

Den som mener seg rammet av urettmessig publisering, oppfordres til å ta kontakt med redaksjonen. Pressens Faglige Utvalg (PFU) er et klageorgan oppnevnt av Norsk Presseforbund som behandler klager mot mediene i presseetiske spørsmål.

Nyhetstips 03030

Kontakt

Hjelp

Tjenester

Produksjon

Salg

Til toppen