Unjárgga álbmoga olmmošlogus serve 51% álbmotjienasteapmái ikte go gieldda ássit besse oainnuset cealkit gielddaid ovttastahttima áššis.
–Dán bohtosa gal leimmet vuordán, go álbmogis lea boahtan hui čielga oaivilat ovttastahttináššái álbmotčoahkkimiin. Nu dadjá Unjárgga várresátnejođiheaddji, Oddvar Betten, ja doaivu maiddái gielddapolitihkkariid čuovvolit Unjárgga álbmoga čielga rávvaga álbmotjienasteami
Bissut sierra gieldan
70% sis geat jienasteddje oaivvildedje ahte Unjárga galggai bissut sierra gieldan nu movt dál, ja 30% oaivvildedje ahte lei buoremus ovttastahttit Unjárgga eará gielddain. Álbmogis ledje politihkkárat jearran ráđi ahte guđe gielddain livčči vuogas ovttastahttojuvvot jus juo lea bággus válljet guđe gielddain.
Ii Deanuin
Olles 70% sis geat jienasteddje háliidit ahte Unjárgga gielda galgá ovttastahttojuvvot Mátta-Várjja gielddain jus juo bággejuvvojit válljet. Dušše 30% Unjárgga ássiin haliidit gieldda ovttastahttojuvvot Deanu gielddain.