NRK Meny
Normal

Ulla finadii Luo-Mus Máilmmis

Son juoigá ja lávlu. Son lea smávva nisu geas lea stuora jietna. Ja suinna oahpásmuvat eanet Luo-Mus Máilmmis.

Ulla Pirttijärvi-Länsman Ártna studios
Foto: Wenche Marie Hætta / NRK

Gula go Ulla lei studios 23/5-08

Áibbašeapmi - Ulla Pirttijärvi
Foto: Preassagovva

"Áibbašeabmi" lea Ulla Pirttijärvi Länsman ođđaseamos cd namma, ja dat ilmmai dán jagi álggus. Maiddái dán cd-buvttadeamis lea lullisámi artistta Frode Fjellheim leamaš guovddážis. Soai leaba máŋggaid jagiid juo ovttasbargan, ja Ulla lea searvan earret eará Fjellheima "Aejlies gaaltije" cdai mii ilmmai 2004s.

Ulla Pirttijärvi fikk Áilluhaš-prisen
Foto: Åse Pulk/NRK

Diimmá beassážiid geigejuvvui Áillohaš-bálkkašupmi 2006 ovddas Ulla Pirttijärvi Länsmanai Sámi Grand Prix lávddis. Dá leat gilvvut maidda Ulla ieš ii leat goasse searvan.

Ulla Pirttijärvi Länsman lei mielde go Áŋŋel Nuorat joavku álggahuvvui. Go báhce dušše nieiddat jovkui, rievddai namma ja šattai Áŋŋel Nieiddat. 90-logu álggus heittii Ulla Pirttijärvi Länsman joavkkus, muhto ii heaitán gal musihkain bargamis.

Ulla Pirttijärvi girji

1996s ilmmai "Hoŋkoŋ dohkká" mas suomabeal sámi mánát mánát lávlot ja juiget. Ulla Pirttijärvi Länsman dat lei ráhkadan eanaš šuoŋaid. Dát ilmmai álggos kaseahttan, muhto lea maŋŋil deaddiluvvon ođđasit ja nu maid ilbman cd-hámis.

Ulla Pirttijärvi Länsman iežas cdat leat:

  • "Ruošša eanan" 1997
  • "Máttaráhku askái" 2002
  • "Áibbašeabmi" 2008