NRK Meny

Uhccán váidet givssideami

Vaikko 17.000 Norgga máná dadjet iežaset skuvllas givssiduvvon, de eai váldán filkkamánnet vuosttá eambbo go 126 váidaga diibmá, givssideami ektui.

Norgga vuođđooahpu váhnenlávdegoddi oaivvilda ahte menddo uhccán váhnemat ja oahpit váidet, ahte mo skuvllaid bealis gieđahallet givssidanáššiid.

Mánáidáittardeaddji, Anne Lindbo, dadjá VG-áviisii ahte Norgga váiddaordnet lea menddo heitot.

Son lohká ahte menddo uhccán olbmot dihtet ahte lea vejolaš váidit filkkamánnái, jos skuvllain eai gieđahala givssidanáššiid álbmalahkai.