Hopp til innhold

Unnimusat 265 olbmo jápmán Turkias

Dássážii leat 265 olbmo duođaštuvvon jápmán,1154 roasmmehuvvon ja badjel 3000 olbmo váldon giddagassii maŋŋelgo Turkia militeara veahka geahččalii gomihit sin presideantta Erdogan mannan ija.

Turkia

Unnimusat 265 olbmo jápmán og militearaveahka geahččalii gomihit presideantta ja su ráđđehusa manna ija. FOTO: BURHAN OZBILICI / AP

Dál galgá presideanttas ja su ráđđehusas fas kontrolla Turkia badjel. Lea leamaš moivi olles ija Turkias, ja militeara girdit leat bomben Ankara ja Istanbul mat leat guokte dain stuorimus gávpogiin Turkias.

Eiseválddit dieđihit ahte jápmán, roasmmehuvvon ja arresterejuvvon olbmuid lohku badjána.

Ain moivi Turkia gávpogiin

Govat Bosporos-šalddis čájehit soalddáhat mat vuollánit. Earret eará sosiála mediaid lea Turkalaš aviisa Sörzü dieđihan ahte okta dain soalddáhiin gii lei vuollánan steavliduvvui dakkamaŋŋá.

Ain dieđihuvvo ahte soahtegirdit bavkkuhit bombaid gomiheddjiid fievrruid njeaiga maid ledje bidjat earret eará presideanttaviesu lahka. Olbmot doppe ávžžuhuvvot bissut viesuin, dieđihit Reuters.

Ávžžuhit norgalaččaid bissut jaska

Norgalaččat geat leat Turkias ávžžuhuvvot bissut jaska ja garvit báikkiid gos lea ráfehisvuohta ja moivi. Olgoriikadepartemeantta lohká ahte dilli lea duođalaš ja ahte áigot ásahit heahtebargoveaga vai čielgasii movt dilli lea. olgoriikadepartemeanttas maid ávžžuhit norgalaččaid geat leat matkkošteami Turkias registreret iežaset registrering.no neahttasiidui vai dihtet mii ain dáhpáhuvvá Turkias.

Korte nyheter

  • Ođđa sámediggeválggaid ferte lágidit maŋimustá geassit

    Sámedikki ságadoalli Pirita Näkkäläjärvi ii sáhte vel dadjat, maid ođđa válggaid lágideapmi johtilis áigetávvaliin mearkkaša, dieđiha Yle Sápmi.

    Alimus hálddahusriekti (AHR) dagai historjjálaš mearrádusa, go mearridii vuosttaš geardde, ahte Suoma sámediggeválggaid galgá lágidit ođđasit.

    Ođđa válggaid galggašii sámediggelága mielde lágidit guovtte olles mánu geažes das, go válggaid gomiheames lea mearriduvvon.

    AHR presideanta Kari Kuusiniemi dulkojumi mielde ođđa válggaid galgá lágidit geassemánu loahpa rádjai.

    Pirita Näkkäläjärvi
    Foto: Ođđasat / Yle Sápmi
  • Eai beasa gieldda gohčodit Pajalan kunta

    Ruoŧa ráđđehus hilgu Pajala gieldda ohcamuša geavahit meänkieli nama «Pajalan kunta» gieldda bálddalas namman, čállá Fria Tider áviisa.

    Ráđđehus mieđiha, ahte lea vuogas čalmmustahttit veahádagaid ja nannet veahádatgielaid.

    Almmatge deattuha ráđđehus, ahte ii ovttage gielddas Ruoŧas leat eambbogo okta almmolaš namma. Sii livčče spiehkastan dás jus livčče dohkkehan ohcamuša.

    Fertešii lágaid rievdadit jus galggašii sáhttit gielddaide dohkkehit eambbogo ovtta nama.

    Meänkieli
    Foto: Svenske Tornedalingers Riksforbund – Tornionlaaksolaiset
  • Gielddaluohti bohciidahttá digáštallama

    Gáivuona gielddastivra evttoha dohkkehit sierra luođi gielddaluohtin. Dát ii oro buohkaid mielas nu buorre jurdda, go sin oaivila mielde ii leat Gáivuonas iežas juoiganárbevierru.

    – Mun in leat luođi vuostá. Luohti lea juoga mii gulai ja ain gullá boazodoalliide ja sámiide geain dát lea oassi iežaset kultuvrras, čilge gáivuotnalaš Levin Mikkelsen.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    – Min gielddas lei dáruiduhttin dievaslaš. Dákkár oaivilat gullet dan áigái. Su suokkardallan čájeha, ahte Gáivuonas juigojuvvui. Nu ahte ii leat duohta ahte Gáivuonas ii leat juigojuvvon, lohká Leiros.

    Herman Rundberg ja su joavku Manne dat leat ráhkadan dán luođi.

    – Luođi mihttomearri ii lean suhttadit olbmuid, muhto digáštallan lea bures boahtin, árvala Rundberg.

    Gáivuona gielddastivra ávžžuha sidjiide ovddidit máhcahemiid gielddaluođi birra. Áigemearri lea dán mánu maŋimuš beaivve.