NRK Meny
Normal

Turistabivdu heittot vai buorre

Turisttat bivdet jahkásaččat máŋga duhát tonna mearraguliid Norggas. Stuorát oassi guolis bálkestuvvo. Dán ii dohkkehivččii mearrasápmelaš.

Olaf Eliassen

Olaf Eliassen

Foto: Arne Ivar Johnsen

Norgga sámedikki Árjja bellodaga áirras Olaf Eliassen vuostálasttá turistabivddu. Nuppelohkái jagi áigi vásihii son ahte turisttat bálkestedje stuorát oasi guliin maid ledje bivdán. Dát ii leat dohkálaš lohká son. Turistabivdu rivve maid mearrasápmelaččain guolle-eriid.

Muitalit sámi historjjás

Terje Pedersen

Terje Pedersen

Foto: Arne Ivar Johnsen

Deanodaga guollebivdi Terje Pedersen lohká leat dehálažžan muitalit turisttaide mearrasámi kultuvrras go sii han dávjá jerret sus mearrasámi eallimis. Ferte gal olmmoš leat sin mielde bivddus veahkeheamin sin, ja muitaleamin sidjiide mearrasámi kultuvrras. Diesa gal Olaf Eliassen maid mieđihivččii.

Buktá bargosajiid ja doalaha ássama

Priváhta konsuleanta Jan Olli ges deattuha turistabivddu dehálažžan danne go dat sihkarasttášii ássanvuođu ja buvttášii bargosajiid gielddaide. Lea dehálaš smiehttat nuoraid birra maiddái sihkarasttin dihti boahtte áiggi sidjiide lohká son.

Jan Olli

Jan Olli

Foto: Arne Ivar Johnsen