– Háválassii nuppelot báhtareaddji sáhttet oktanaga leat dán lánjas. Seammás sii fertejit áimmahuššat maid dábálaš trafihka, dadjá Stein Hansen.
Jus galget sáhttit váldit vuostá eambbo báhtareddjiid, de eiseválddit fertejit ásahit sierra dorvoohcciid vuostáváldinbáikki, čilge Nuorta-Finnmárkku politiijahoavda, Ellen Katrine Hætta.
– Mii leat dáhtton veahki politiija olgoriikka ossodagas, nu ahte sii soitet boahtit ráhkadit dakkár registreringskantuvrra nu go lulde lehpet oaidnán, dadjá Hætta.
– Dássážii eai leat vuos ožžon vástádusa politiija olgoriikka ossodagas. Sin ovddasvástádus dat lea áimmahuššat dorvoohcciid go rasttildit riikkarájá. Muhto jus dáhttot veahki, de Mátta-Várjjat gielda gos tuollostašuvdna lea, goit lea gárvvis ásahit dorvoohcciid vuordinbáikki, dadjá Mátta-Várjjaga jođiheaddji, Cecilie Hansen.
