NRK Meny
Normal

Trosten ii váido

NSRa poltihkkár ii váide Jánoš Trostena gielisteames su birra.

Jánoš Trosten
Foto: Eilif Aslaksen / NRK

NSR sámediggeáirras Synnøve Solbakken-Härkönen dattetge ii áiggo váidit Čielga Jiena áirasa, Jánoš Trostena, politiijaide gielisteames, nu movt skábmamánus geažiidii

Synnøve Solbakken Härkönen
Foto: Eilif Aslaksen / NRK

Ii boahtán čoahkkimii

Duogáš áššái lea dat mii dáhpáhuvai Sámedikki dievasčoahkkimis diimmá skápmámánu go gieđahalle Sámedikki ja Tromssa filkkagielda ovttasbargošiehtadusa. Jánoš Trosten ii ihtán dievaščoahkkimii vaiikko vel beaiveordnega mielde galggai lean áššejođiheaddji. Dát ráhkadii unohisvuođaid Sámedikkis.

GULDAL: Synnøve Solbakken-Hærkønen ja Janoš Trosten

Maŋŋá Trosten čilgii ahte son lei addán dieđu Sámedikki bajáššaddan- ja oahppokomitea jođiheaddjái Synnøve Solbakken-Härkönenii ahte lea bealálaš áššis, ja danin ii sáhttán oassálastit áššemeannudeames.

Muhto Solbakken-Härkönen biehttalii Trostena addán dákkár dieđu sutnje. Trosten ges vástiidii ahte Solbakken-Härkönen gielista, ja čuožžuhii iežas sáhttit duođaštit dan.