NRK Meny
Normal

Transjoik guoimmuhii Várjjatriemuin

Várjjatriemuin guoimmuhii maid Transjoik, ja sis lei mielde pakistanalaš lávlu, gii lávllui erenomáš lávlagiid. Frode Fjellheim muitala sus leat erenoámáš lávlunvuogi mii maiddái dagaha olbmuid lihkadusaide.

Frode Fjellheim Čáhcesullos

Frode Fjellheim Čáhcesullos

Foto: Anne Olli / NRK

Hør på innslaget

Gula Frode Fjellheim

Transjoik lea dál leamaš čuojahanmátkis Norggas, álggos vuos Storåsfestiválas Gaskka Norggas, dasto Vestlánddas "Utkant festiválas" ja Bodåddjus čuojahedje gaskkavahkku ja dál leat leamaš Várjjatriemuin.

Pakistana lávlun muittuha luođi

Frode Fjellheim oaivvilda iežaset Transjoik bealis bures ovttasbargat pakistanálaš Sher Miandad Khanain. Su lávlunvuohki muittuha luđiid, son lávlu smávva divttažiid ja máidnu maid Allah.

Oskku ja máidnun

Fjellheim muitala pakistanalačča lávlut dakkáraš oskkolaš vugiin, mii gohčoduvvo sufismman, ipmillaš ávuin. Danne olbmot dávjá šaddet lihkádusaide go gullet su. Fjellheim fuopmášahttá ahte dát muittuha dološáigge sámiid go juoigamin ja rumbodearpamin šadde lihkadusaide.

Čuojahit Stuorra-Strávvis sotnabeaivve

Dán sotnabeaivvi čuojaha Transjoik Stuorra-Strávvis, Saltstraumenis.