Sámediggeráđđi Ann-Mari Thomassen lohká teáhteris dárbu dieid lassi juolludemiide, jos galgá vejolaš čađahit ávvučájálmasa.
Sámediggeráđđi maid árvala 800.000 kruvnna Sámedikki reviderejuvvon bušeahtas, Tråante 2017 100-jagi ávvudeapmái.
Reviderejuvvon bušeahtas
- Lea dárbu dárkilit gulahallat Tråante 2017 prošeavttas, vuoi sihkkarástit buori lágideame, lohká Ann-Mari Thomassen.
Danin leat ge árvalan vel 800.000 kruvnna Sámedikki reviderejuvvon bušeahtas, 100-jagi ávvudeapmái mii doppe lágiduvvu.
Sámedikke dievasčoahkkin geassemánus galgá gieđahallat dan reviderejuvvon Sámedikke bušeahta, mas dát árvalusat bohtet.
Illuda ávvudeapmái
- 100-jagi ávvudeapmi lea deaŧalaš midjiide njealji riikka álbmogin ja háliidit dakkár ávvudeami mii čalmmustahttá ja gaskkusta máhtu sápmelaččaid, sámi giela, kultuvrra ja min oktasaš historjjá birra 100-jagi perspektiivvas, lohká Thomassen.
Son lohká illudit ávvudeapmái ja riepmočájálmassii.