Togabána ain gitta
Ofuohta togabána gaskkal Áhkkánjárgga ja Girona, lea ain gitta ievttá tuneallabuollima maŋŋá. Dát čuohcá maid gálvofievrredeapmái, mii láve toga mielde sáddejuvvot Ruoŧa čađa Áhkkánjárgii davvi-Norgii. Biila geaidnu gal rahppui ikte jo. Lei 350 mehtera guhkes tunealla mii lea muoras ráhkaduvvon, mii buollái ikte. Tunealla ja barta mii lei tunealla lahka bulii gutnan. Divodanbargguid geažil ledje maid gássabohttalat tuneallas, ja máŋga dáid bohttaliin bávkkehedje buollima geažil. Mirkosuova dihtii eai suovvan olbmuid mannat lahka guovllu. Jáhkkimis rahppo fas togajohtolat guovllus áramusat vuossárgga rájes.