NRK Meny
Normal

Tjoeveribie noeride eadtjalgehtedh

Noerhte Trøøndelaagen saemien saervie 40 jaepieh heevehtamme, siebrien åvtehke Grethe Dunfjeld, båetije bijjien bijre tjomperde.

Grethe Dunfjeld

Noerhte Trøøndelaagen saemie saervien åvtehke Grethe Dunfjeld.

Foto: Kjell Roger Appfjell / NRK

Minngemes laavvardahken dellie Noerhte Trøøndelaagen saemien saervie 40- luhkie jaepieh heevehtamme. Jijnjh saemieh tjåangkanamme daan Snåasen hotellesne, sijhtin meatan årrodh jih saemie saervien barkoem mojhteladtedh. Muvhth dejstie, åvtege jih sæjjasadtje sijjem åtneme jalltsh lihtsege sijjem mij saemie saerviem dåarjoehtamme. Daelie Grethe Dunfjeld Noerhte Trøøndelaagen saemie saervien åvtege. Dihte tuhtjie luste dagkeres heevehtimmie sjidti.

– Saemie saervie jih Nøørjen saemiej rijhkesiebrie (NSR) vihkeles åarjelsaemide orreme. Saemien aamhtsi gujmie barkeme jih evtiedamme jih aaj daate sosiale gaavnehtimmie. Dihte daelie jeatjah-laakan sjidteme, Dunfjelde jeahta.

Noeride eadtjaldovvedh.

NSR lea dihte åejvie paartije Saemiedigkesne, dihte lea saemiej jijtjen paartije mij edtja saemien aamhtside fremmedh. Dunfjeld båetije beajjan tjoeperde.

– Manne vuajnam dah saemien noerh, eah sijhth dagkeres saemien saervie ståvrosne tjahkasjidh. Daelie gååvnese daan jijnjh jeatjah siebre dåehkie jih jeatjah sosiale sijjie gusnie gaevniedieh. Im daejrieh guktie edtjebe daam doerelidh, Dunfjelde jeahta.

NSRen noereh barkoe.

Nøørjen saemiej rijhkesiebrie(NSR) barkoeminie kultuvre, siebredahke jih bievnese barkone. NSR åtna gøøkte luhkie nielie saemie saervie siebrie, sijjien åelesne. Beaska Niilas NSRn åejvie tuhtjie noereh barkeme vihkeles.

Beaska Niilas

Nøørjen saemiej rijhkesiebrien åejvie Beaska Niilas.

Foto: Ristin Persson / NRK

– NSR en noere vaeljehke joekoen barkoem darjoeh. Noerh åadtjoeh meatan daan siebre barkosne årrodh jih vihkelommes lea noere-barkone aelkedh. Noerh jijtje åadtjoeh noere barkoen bijre reeredh. Daate aaj vihkeles smaave sibrine buektiehtidh., Beaska Niilas jeahta.

40 jaepieh heevehtidh

Gaskebiejjie jih murriedimmie Snåasesne.

Foto: Kjell Roger Appfjell / NRK