Normal

Berbere edtja jovkeme-tjaetsiem Europese doekedh

Dihte berbere jih madtjeles berbere. Sov maadtoe vihkeles, gosse edtja tjaetsie boehtelh Snåaseste doekedh.

Snåsa Vann AS

Mohamed Sambou madtjeles berbere mij tjaetsie boehtelh Snåaseste duaka.

Foto: Mouhamed Sambou / Privat

Dihte joe nieljie luhkie nielje jaepieh, Snåasesne orreme. Daate berbere Mohamed Sambou, 53, golme maanah jih paarre-bielien ektesne årroeminie. Dihte lea tseegkeme daam Snåsa Vann AS, guktie ussjede tjaetsie boehtelh Europese doekedh. Sov maadtoe vihkeles sutnan, dihte lea berbere, akte aalkoe-almetje dåehkie, noerhte Afrikaste.

Berberh juhtijh- almetjh goh saemieh.

Berberh leah juhtijh-almetjh mij noerhte Afrikesne veasoeminie. Dihte baakoe «berber» båata destie arabeske gïeleste. Gåessie dihte jaahkoe, islame, noerhte afrikese bøøti, dellie aaj dah laanth arabeske sjidtin.

–Mijjieh libie imazighen almetjh. Raeffies almetjh jih gieliesne juhtimh, Samboue jeahta.

Jijtjen ietnien-gïelem.

Sov eejhtegh Europese jih Belgiense juhtigan jih desnie dellie Mohamed Samboue lea byjjenamme. Mohamede aaj maadtjele åtna jijtjen ietnien- gïelem.

– Belgiensne dellie franske gïelem skuvlesne lohkim jih soptsestim. Gåetesne dellie mov berbere ietnien-gïelem, tamazight, soptestim, dihte akte smaare-gïele, rif gïeleste. Dah smaare -gïelij gaskem, ånnetji sinsitniem guarkebe. Mouhamede ånnetji ussjedadta. –Dihte franske gïele, mænngan nænnemes sjidti.

Berbere gïele lea daan Afroasiatiske gielefuelhkeste. 30 miljovnh berberh ov-messie smaare-gielh soptsestieh, noerhte Afrikesne, Marockosne, Algeriesne, Tunisiensne jih Libyensne. Daam Mohameden ietnien-gïele tamazight, åtna gøøkte luhkie govhte sjiere smaare-gïelh. Saemien gïele åtna luhkie smaare-gïelh, dah nielje noerhte laantine.

Madtjele aaj jienebh åehpies almetjh berbere fuelhkeste.

– Dijjieh son daejrede gie dihte tjengkeretjïektjedæjja Zinedine Zidane lij, jih aaj dihte åehpies laavloejes nyjsenæjja åemie Edith Piaf. Dah guaktah aaj berberh, Samboue føørhkede.

Daelie datne tjaetsie gaaltijem Snåasesne gaavneme jih aalkeme tjaetsie boehtelh doekedh?

– Daejnie vijhte jaepieh barkeme, jih eensi tjaetsie gaaltijem gaavnedh. Daate tjaetsie gaaltije Korsvollansne, Snåasen noerhtelen. Destie gaaltijeste maahtam 1 miljard lijterh fierhten jaepien gåajvodh. Mijjieh joe gellie tjaetjie boehtelh doekeme, dihte hijvene, Samboue mojjeste.

Ij leah nuekies dah almetjh Nøørjesne åadtjoeh daam njaelkies Snåasen tjaetsiem jovhkedh. Mohamed Sambou åtna stuerebe niekedassem.

– Dihte mov voestemes åssjalommes lij jih tjaetsiem åålkoelaantese doekedh. Daelie edtjem aelkedh Tysklaantese doekedh jih barkoeminie edtjem daejtie tjaetsie boehtelidie tjaebpies -laakan tjaalehtjadtedh, Mohamed Samboue bievnede.

Snåsa Vann AS

Daebpede Korsvollan, Snåasen noertelen daejtie jovkeme tjaetsie boehtelidie voelkedieh.

Foto: Mohamed Sambou / Privat