NRK Meny
Normal

Tjadáda gatjádallamåtsådimev - vuojte DAB-radioav

NRK Sápmi dal galggá julev- ja oarjjelsámegiela fálaldagájt tjadádit. Sihtap ulmutjij vuojnojt tjoahkkit.

DAB-radio

DAB-radioav máhtá vuojttet. Gehtja linkav vuollelin.

Akta NRK Sápmia dahkamusájs le julev- ja oarjjelsámegiellaj ådåsijt ja ájggeguovddelis ássjijt internæhttaj, TV'aj, radioj ja sosiala mediajijda åvddånbuktet.

Valla gåktu dån dajt sidá?

Dasi sihtap vásstádusáv. Danen lip gatjádallamåtsådimev jåhtuj biedjam.

Vássteda dánna

Rávdná Buljo Gaup smiler

– Hæhttup diehtet majt ulmutja sihti åvddål gå juojddáv mierredip. Danen de gatjádallamåtsådimev tjadádip.

Foto: Carl-Gøran Larsson / NRK

– Lip dal radiofálaldagáv rievddamin. Gå julev- ja oarjjelsámegiela libá nav sierralágátja, ja gå miján le máhttelisvuohta stuorra rievddadimijt dahkat ma guosski vuorddemusájda ja sávadusájda dajda gielajda, de jáhkáv gatjádallamåtsådibme stuor ávkken sjaddá, javllá ådåsdåjmadiddje Rávdná Buljo Gaup.

Nannit ja åvddånahttet

Gatjádallama ulmme la vásstádusájt oadtjot, ja makkir vuorddemusá li gæhttjij ja gulldaliddjij gaskan.

– Mijá ulmme l dá guokta giela nannit ja åvddånahttet. De vierttip diehtet gåktu dav buoremus láhkáj dahkat. Gånnå dájt ulmutjijt jåksåp? Makkir fálaldagájt sihti, ja majt e sidá, gatját Buljo Gaup.

Gájkajt hasot

Ulmmejuogos le sij gudi julevsámegielav ja oarrjelsámegielav bukti, ja gudi fálaldagájt adni. Valla sávadahtte l aj sij gudi fálaldagájt e ane lidjin dajt adnuj válldet jus rievddama båhti.

– Hasodav gájkajt vuojnojt julevsáme- ja oarjjelsámefálaldagáj birra buktet. Vásstedit gatjádallamav, hæjttá Buljo Gaup.

Oassálaste ja vuojte

Jus vássteda, de bájnni gåktu sáme ådåsa galggi boahtteájgen liehket. Ja de l aj máhttelis DAB-radioav vuojttet.

Vássteda dánna