Nu čállá
Tiina Sanila-Aikio lea válljejuvvon sámedikki ságadoallin badjái 2016-2019.
Guhtta sámediggeáirasa ledje ovddalgihtii almmuhan dieđihangaskaomiide, ahte sii leat mielde presideantagilvvus; Anu Avaskari, Tiina Sanila-Aikio, Tuomas Aslak Juuso ja Pentti Pieski, Veikko Feodoroff ja Kari Kyrö.
- Loga maid:
Válljema čađahedje muttuid mielde nu, ahte ságadoallis jienastit lihppojienastemiin. Jos vuosttas jienasteamis oktage evttohas ii oaččo eanet go beali jienain, bohtet lasi jienasteamit.
Anne Nuorgam evttohii Tiina Sanila-Aikio ságadoallin. Neeta Jääskö guottihii dan evttohusa.
Pigga Keskitalo evttohii Anu Avaskari ságadoallin. Tanja Sanila guottihii dan evttohusa.
Nilla Tapiola evttohii ságadoallin Pentti Pieski, Tuomas Aslak Juuso ja Veikko Feodoroff ságadoallin. Veikko Feorofoff giittii doarjagis, muhto geassádii gilvvus.
Čuovvovažžat válljejit várreságadoalliid.