The Pursuit Of Happyness

Will Smith lea neaktán ođđa filmmas, mii – oažžu dadjat, ii leat seammalágan kategoriijas go su ovddeš filmmat!

Will Smith ođđa filbma
Foto: http://www.sonypictures.com/movies/thepursuitofhappyness

 ”Veien til lykke”

 

Chris Gardner ja Christopher Gardner
Foto: ZADE ROSENTHAL / AP

dahje, ”The pursuit of happyness” lea drámafilbma ovtta geafes bearašalbmá birra Chris Gardner (Will Smith) gii rahčá fitnemis láibbi beavdái mánus mánnui. Son lea gieris ja ráhkis iežas viđajahkkásaš bárdnái Christopherii (Jaden Smith) ja bargá nu bures go sáhttá beassat eret daid ekonomálaš váttisvuođain muhto ii menostuva. Eamidas Linda (Thandie Newton) ii nákce šat, ja guođđá sihke isidasa ja sutno viđajahkkásaš máná.

Thandie Newton
Foto: GABRIEL BOUYS / AFP

Vuovdi ja oktoáhčči Chris geahččala oppaáigge ohcat buoret barggu ja oažžu loahpas oasusgávppašanfitnodagas traineebarggu bálkká haga, ja doaivu son loahpas oažžu fástabarggu nu ahte boahtteáigi čuvggodišgoahtá veahá.

 

Jaden Smith
Foto: TIZIANA FABI / AFP

Muhto bálkká haga ii suitte Chris máksit visteláiggu ja bálkestuvvoba olggos ja gártaba bártniinas orrut gos beare gávdnaba idjaráfi, nugo almmolaš hivssegiin ja nu ain.

Buorre filbma?

 

Will ja Jaden Smith
Foto: FRANKA BRUNS / AP

Oppálaččat lea dát huuui hui buorre filbma, gos sihke beasat reaškit ja ganjaldit vurrotlágai. Will Smith lea hui čeahppi neaktit ja historjá lea bures ráhkaduvvon. Dá lea filbma maid gánnáha geahččat!

Nammaduvvui balkkašumiide

 

Nammaduvvui Oscarbalkkašupmái
Foto: MARIO ANZUONI / REUTERS

Will Smith nammaduvvui sihke Golden Globe ja Oscar balkkašupmái kategoriijas Buoremus almmáiolbmo oaiverolla dáinna rollain.

 

  Dás sáhtat oaidnit unna oasáža filmmas