Čájáhusas leat tevnnedat 1890 logu rájes, ja maiddái leat tevnnedat ođđasat áiggis čájáhusas. Oktiibuot lea vejolaš oaidnit 25 tevnneda, ja váldo dás lea ahte daid leat tevdnen nugo liánttain dahje koalla-bihttáin. Čájahusa fáddán leatge liánta ja koalan sárgojuvvon tevnnedat.
Tevnnedat geasuhedje olbmuid čájáhussii
Konserváhtor Hans Christian Søborg muitala čájáhusa rahppon čakčamánus, ja rahpamii leadje boahttán oalle ollu olbmot. Maiddái skuvllaluohkká ja kulturskuvlla oahppit ledje rahpamis. Sii áigot čájáhusa geavahit oahpahusas.
Manne tevnnetčájáhus?
Áigumuš dáinna cájáhusain lea čájehit mo iešguđetge boalvvaid tevdnejeaddjit leat ovdanbuktán jurdagiiddiset tevnnedii bokte. Ja seammás čájehit tevdnendáiddu viidodaga.
Tevnnedat leat ieš guđetge áigodagas, 1800-logu rájes gitta dálá áigái.
Almmái geahčadan tevnnediid
Sirbmálaš Per Edvin Varsi geahčada govaid. Son livččii vuordán oaidnit eanet govaid sámi dáiddáriin, ja erenoamážit livččii hálidin oaidnit eanet govaid sámi dáiddačeahppis Iver Jåks. Dađebahábut gávnnai son dušše ovtta tevnneda sus dán čájáhusas. Per Edvin Varsi ii loga iežas gal iežas beaivelanja-seaidnái gal heŋgen gova maid dás vuolábeal oaidnit.
"Higher Ground" čájáhusa bistit juovlamánu 31. beaivái.