Guhkilmas goikkádagaid ja báhkaid geažil lea Finnmárkkus dál hui stuorra buollinvárra.
Mannan vahkkoloahpa ledje golbma meahccebuollima Finnmárkkus. Earret eará lei buollin Anárjoga suodjaluvvon meahcis, mii bulii badjel jándora ovdalgo buollinčáskadeaddjit nákcejedje čáskadit dan.
Doppe lei dolla eatnan sisa buolligoahtán. Hilat ledje báhcán cáhkit ja de buollái.
Kárášjoga buollinhoavda, Kjetil Fagerli, lohká NRK:ii ahte buohkat geat mannet meahccái fertejit veahkkálagaid bearráigeahččat ahte eai šattašii lasi meahccebuollimat.
– Dál eai berrešii olbmot ba dolastallat meahcis. Mon gal juo dajan nu garrasit ahte dat ii livčče dohkálaš ge, go diehtit man goikkis eana lea, lohká Fagerli.
Vaikko olmmoš gáddá ahte smávva dolaš ii daga maid ge, de ii dárbbaš go biegga veahá bosádit, de sáhttá dolla fáhkka viidánit juohke guvlui, muittuha son.
Riikaviidosaš dolastallan gielddus Norggas bistá vel dán mánu 15. beaivái. Buollinhoavda sávvá ahte olbmot ieža ge dál áddejit ahte ii dálá dilis heive dolastallagoahtit.
– Jos bidjet dola de fertejit goit bures dárkkistit ahte dolla lea čáskan, ovdalgo guđđet dolastallanbáikki, lohká son.
– Ja oaivvildan maid ahte dál eai berrešii olbmot borgguhit ge meahcis. Sigareahtta-sneipa sáhttá dál dagahit stuorra vahágiid ja heađi, lohká son.
Fagerli ii loga diehtit mii dat lei mii dagahii buollima Anárjogas.
– Muhto dan maid diehtit lea ahte dál dieđus ge leat olu olbmot mehciin go lea ealgabivdu. De lea navdimis ahte bivddu olis dat lea geavvan nu ahte buolligođii doppe, lohká Fagerli.
Kárášjoga ealgabivdiid searvvi njunuš, Jan Idar Somby, maid doarju buollinhoavdda rávvagiid.
– Sii geat dal juo dál áigot dolastallat fertejit goit de čázi váldit fárrui, vai lea mainna dola bures čáskada, lohká son.
Luonddus lea dál mealgat unnit čáhci go dábálaččat, muittuha son.
– Ádjagat ja jogat leat goikan dán báhkka geasi geažil. Buohkat fertejit váldit ovddasvástádusa go meahccái mannet, lohká Somby.
Meteorologalaš instituhtta dieđiha ahte muhtin guovlluin Nuorta-Finnmárkkus lea stuorra várra ahte sáhttá buollát mehciin.
Maŋŋebárgga bajiduvvui Nuorta-Finnmárkku meahccebuollinvárrehus fiskes dásis oránša dássái.
Unjárgga gielddas Nuorta Finnmárkkus lea dál áibbas gielddus dola cahkkeheamis meahcis
Nu dieđiha gieldda buollinjođiheaddji Marit Kjerstad NRK:i.
Meteorologalaš instituhtta dieđiha ahte muhtin guovlluin Nuorta-Finnmárkkus lea stuorra várra ahte sáhttá buollát mehciin.
Maŋŋebárgga bajiduvvui Nuorta-Finnmárkku meahccebuollinvárrehus fiskes dásis oránša dássái.
Báikkálaččat lea stuorra meahccebuollinvárra dál, dassážii go arvá doarvái.
– Eana sáhttá álkit buolligoahtit ja stuorra guovllut sáhttet váikkuhuvvot das, čállá varsom.no várrehusas.
Time magazine har utnevnt maorien Peter-Lucas Jones til deres liste, Time magazine 100 AI, som kaster lys over 100 personer som er med i store samtaler om hvordan kunstig intelligens endrer verden.
Jones er administrerende direktør i det maoriske medieselskapet Te Hiku Media, og er utnevnt til den prestisjefulle lista for sitt arbeid med å bevare språk i forbindelse med kunstig intelligens og teknologiarbeid.
På lista er det ledere, politikere, kunstnere, bedriftseiere i mange felt og fra hele verden, blant annet Mark Zuckerberg.
Det skriver Aotearoas rikskringkaster RNZ.
