NRK Meny

Terrorfalleheapmi Ranskkas

Nice gávpogis Ránskkas, dieđihuvvojit 84 olbmo duššan terrorfalleheamis ikte eahkes. Ođasdoaimmahat AFP dieđiha ahte lei 31 jahkásaš tunisialaš dievdu gii orru Nice gávpogis Lulli Ránskkas guhte guorbmebiillain vujii jámas olbmuid geat ledje čoahkkanan mearragáddái geahččan dollarusoniid álbmotbeaivvi doaluid oktavuođas. Lei duorastat diibmu 11 eahkedis ahte dát olmmošgoddin dáhpáhuvai, iige oktage leat vel váldán badjelasas ovddasvástádusa falleheapmái.