NRK Meny

Telefovnna váttisvuođaid čoavdimen

Dál orrot čoavdimen Rádio- ja telefovdnaolahus váttisvuođaid Nuorta-Finnmárkkus. Báhcavuonas lea dál fas rádio ja telefovdna doaibmamen, ja Bearalvákkis doaibmá fásta telefovdna ja muhttin sajiin doaibmá mobiila maid, nu dadjá Telenora olahusdirektevra Bjørn Amundsen. Son duođašta ahte riddorádios lei signála mannan ija diibmu golmmas. Sullii 3.500 Báhcavuona ja Bearalvákki ássiide čuzii go váldofiberjođas billahuvai, mii dagahii ahte sihke mobiilatelefovdna, fástatelefovdna, interneahtta ja fanasgulahallandoaibma ii doaibman stuora osiin Nuorta-Finnmárkkus, disdat iđida rájes.