NRK Meny
Normal

Teahterjoavkku váttisvuođat

Deanu birasviesu lávdi ii leat heivehuvvon doaibmahehttejuvvon olbmuide. Dát dagaha, ahte neavttár gii čohkká juvlastuolus, ii beasa neavttastit.

Rullestol
Foto: Christer Karlsen / NRK


"Latterkompaniet"-nammasaš teahterjoavku áiggošii sihke hárjehallat ja čájehit iežas teahterbihttá, Deanu Birasviesu lávddis. Muhto eai buot neavttárat beasa searvat, go Deanu Birasviesu lávdi ii leat heivehuvvon doaibmahehttejuvvon olbmuide. Danin leage teahterjoavku šaddan breva čallit gildii.

Garra vuoigatvuođat

Norgga doaimmahehttejuvvonolbmuid searvvi váldočálli Lars Ødegård, doarju teahterjoavkku.

- Ii leat eahpádus go geahččá dan ođđa vealahus- ja searvádallanláhkii ahte teahterjoavkkus lea nana ašši.

Deanu gieldda sátnejođiheaddji, Frank Ingilæ, mieđiha ahte birasviesu lávdi ii

Ordfører Frank Ingilæ.
Foto: Dan Robert Larsen / NRK

leat dohkkálaš dásis.

-Viessu ii leat heivehuvvon buohkaide, sivvan dasa leago viessu lea huksejuvvon áigá.

Ødegård čuoččuha ahte jus Deanu gielda galgá leat fatmasteaddji buohkaide de berrešii gielda oažžut sadjái vinjuláhtti birasvissui.