Suomas ođđa duhpátláhka fápmui otne

Buotlágan duhpátbuktagat main lea smáhka, nugo menthol ja vánilja, ii šat otná rájes beasa oastit. Láhka gieldá maid borgguheamis biillas, jos fárus lea vuollel 15-jahkásaš mánát. Elektriskka duhpáhat main lea nikotiidna gullet maid otná rájes duhpátlága vuollái. Earret eará diet leat mielde ođđa duhpátlágas mii čuovvu EU duhpátdirektiivaid. Nu čállá Suoma sosiála- ja dearvvašvuođaministeriija preassadieđáhusas.