NRK Meny
Normal

Suoma sámenásttit seammá lávddi alde

Wimme Saari ja Hilda Länsman lea lávddi alde go Skábmajazz lágiduvvo Anáris vahku geažes.

Wimme Saari og Hildá Länsman

Wimme Saari og Hildá Länsman guoimmuheaba boahtte vahku loahpas Sajosis Anáris.

Foto: Fotomontasje / NRK

Hildá Länsman ja Wimme Saari doallaba joavkkuineaskka konseartta Anára kulturguovddážis Anáris skábmamánu 21. beaivve 2015.

Wimme Saari lea šaddan dovddusin go laktá oktii ođđaáigásaš musihka árbevirolaš luđiin. Son juoigá sihke olbmo, ealliid ja luonddu.

Su lassin Sajosa lávddi alde loaiddasta Hilda Länsman. Son lea 22-jahkásaš ártista ja lávllaráhkadeaddji, guhte šattai dovddusin go oassálasttii UMK-lávlungilvvu mannan giđa, ja beasai gitta euroviisurátkimiid finálii ovttas etniinis Ulla Pirttijärvi-Länsmaniin.