NRK Meny
Normal

Suollagat gaikon bartii Idjajávrris

Bartaeaiggát ii leat suorganan, go dát lea dáhpáhuvvan ovdal.

innbrudd

Govva duođašta ahte suollagat leat gaikon bartauvssa.

Foto: Privat

Suola dahje suollagat leat gaikon bartii Idjajávrris Kárášjoga gielddas disdaga sullii diibmu 1800.

Politiijat ávžžuhit twittera bokte olbmuid cavgilit dieđuid sidjiide dáhpáhusa birra.

Laster Twitter-innhold

Idjajávri lea guokte miilla davábealde Kárášjoga.

– Mun in leat suorganan go ovcci jagi áigi vásihin dan seammá, dadjá Siv Anita Aslaksen.

Aslaksen lea oaidnán soames bartaeaiggáda čállán Facebookii, ahte suollagat leat gaikon barta Lávkajávrris ja biilla Idjavuonduoddaris. Politiijat duođaštit dán.

Laster Twitter-innhold

Vihttanat oaidnán Volvo

Aslaksena muitala ahte su ránnját leat oaidnán Volvo 740, boares modealla.

– Sii oidne ahte dievdu vujii biilla, muhto eai oaidnán leigo vuoras dahje nuorra olmmái.

Váidán ášši

Aslaksen lea Leavnnja leansmánnekantuvrras, iige astta bálljo hupmat.

– Mun lean dál geigemen váidaga politiijaide, dadjá son.

Bartaeaiggát ii dieđe vuos maid vearredahkkit leat dolvon, muhto son lea fuomášan muhtun diŋggaid váilumen barttas.

– Mun váillahan iešguđet ge lágan divvunreaidduid, nugo spihkárbissu, lohká son.