NRK Meny
Normal

Suoleguollárij viermijt ja oaggomsvitjojt válldin

Norrbottena länstivrra ja bulkke gávnnin guhtta vierme ja birrusin 20 oaggomsvitjo majt tjoaggin gå lidjin guollimadárkestimev tjadádam Rijttjem-dáfojn Svierigin.

beslagtagna fiskeredskap vid ftillsyn i fjällen

Dájt dal guollárijs válldin.

Foto: Dan Blomkvist/Länsstyrelsen i Norrbottens län

– Mij lip dal stuor dáfojt dárkestam gånnå diehtep ulmutja lijkkuji guollit, giehttu guollárkonsulænnta Norrbottena länastivran, Dan Blomkvist.

Suoleguollim la juo læhkám stuor gássjelisvuohta moadda jage guollimjávrijn Rijttjem-dáfojn. Bæssátjij maŋŋela lidjin moattes bulkkáj ja Norrbottena länastivrraj tsuojggim dán birra.

50 jávrijn manádin

Vuoratjismáno maŋŋegietjen lij Norrbottena länstivrra aktan bulkijn guollimav dárkestime várrejávrijn Rijttjema láhka.

Helikopterij ja muohtavuojánij da dárkestimev tjadájdin, gånnå birrusin 50 jávrijn manádin ja dárkestin birrusin 120 guollárijt.

– Viermijt ja ienemus oasse oaggomsvitjojs váldijma Gåbddåjávren. Valla ep ájn diede gesi gulluji, javllá Blomkvist.

Tillsyn vid ark

Helikopterijn suolaguollárijt åhtsin.

Foto: Dan Blomkvist/Länsstyrelsen i Norrbottens län