Suohkaniid boahtte áigi

Movt oidnet davviguovlluid suohkanat iežaset boahtte áiggi? Dasa galgege guovdageaidnulaččat ikte vástidit go davviriikkalaš dutkanásahus Nordregio lágidii bargobáji boahtteáiggi birra. Guovdageaidnu lea dušše okta máŋgga iešguđet riikka suohkanis, gos čohkkejit olbmuid dakkár bargobádjái. Dát bohtosat galget neavvut eiseválddiid boahtte áiggi doaimmaid hárrái. Guovdageaidnu lea nubbi guovtti Davvi-Norgga suohkanis, mat leat válljejuvvon searvat dán boahtteáiggi prošektii. Nubbi suohkan lea Finnmárkku riddosuohkan Ákŋoluokta.
Ruoŧa bealde lea Johkanmohkki ja Bájil válljejuvvon dása, Suoma bealde ges Giemajávri ja Anár. Dánsullásaš bargobájit lágiduvvojit skábmamánus ja ođđajagimánus. Ruonaeatnamis leat juo lágidan dákkár doaimma ja lea maid plána lágidit seamma Islánddas ja Fearsulluin. Fitnodateaiggát ja suohkanpolitihkkár Inger Marit Bongo lei duhtavaš maŋŋel bargobáji.