Organisašuvdna Norsk Friluftsliv háliidit suodjalanplána ásahit Davvenjárgga bákteravdda ja Hornvika várás, mii lea lahka beakkán turistasaji. Jođiheaddji Lasse Heimdal oaivvilda ahte dárbbašuvvo eambo máhttu das mo stuorra turistajohtolat čuohcá dán guvlui. Davvenjárga bákteravda ráfáiduhttojuvvui 1929, muhto dat ii báljo oidno iige vuhtto dán guovllus, oaivvilda Heimdal, gii dál háliida ahte Finnmárkku fylkkamánni oččodišgoahtá suodjalusplána dán guovllu várás.
Gáivuona gielddastivra evttoha dohkkehit sierra luođi gielddaluohtin. Dát ii oro buohkaid mielas nu buorre jurdda, go sin oaivila mielde ii leat Gáivuonas iežas juoiganárbevierru.
– Mun in leat luođi vuostá. Luohti lea juoga mii gulai ja ain gullá boazodoalliide ja sámiide geain dát lea oassi iežaset kultuvrras, čilge gáivuotnalaš Levin Mikkelsen.
Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.
Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.
– Min gielddas lei dáruiduhttin dievaslaš. Dákkár oaivilat gullet dan áigái. Su suokkardallan čájeha, ahte Gáivuonas juigojuvvui. Nu ahte ii leat duohta ahte Gáivuonas ii leat juigojuvvon, lohká Leiros.
Herman Rundberg ja su joavku Manne dat leat ráhkadan dán luođi.