NRK Meny
Normal

Sullii 300:s gallededje ođđa sámi festivála

– Mii leat álggahan juoidá mii lea dehálaš mearrasámi birrasii, cealká festivála ovttasbargoguoibmi.

Festivalplakat for Skábmafestivalen i Dyfjord og Kjøllefjord

PLAKÁHTTA JA DÁIDDA: Lea guovdageaidnulaš dáiddár Maret Anne Sara gii lea hábmen festiválaplakáhta.

Foto: Maret Anne Sara / Skábma – festival for samisk samtidskultur

Vahku áigge lágiduvvui «Skábma»-nammasaš festivála Gilevuonas ja Dáigevuonas, Čorgašis.

Lei vuosttaš geardde ahte festivála lágiduvvui, ja sullii 300 olbmo gallededje festivála, muitala Finnmarken-áviisa.

– Dát lea stuorra lihkadusa álgu, mii hásttuha min jurddašit identitehta áibbas ođđa láhkai.

Dien dadjá Davvesiidda gieldda kulturhoavda Andreas Hoffmann áviisii.

– Dáruiduvvon guovlu

– Máŋggas celke positiivvalaččat festivála birra. Gulaimet ahte mii leat álggahan juoiddá mii lea dehálaš mearrasámi birrasii.

Dan dadjá Arctic Culture Lab beaivválaš jođiheaddji ja festivála ovttasbarguguoibmi, Flavia Devonas.

Okta festivála ulbmilliin lea ealáskahttit sámi giela ja kultuvrra Čorgasis.

– Ferte dovdat buot hástalusaid mat gávdnojit go háliida bisuhit riddoguovlluid sámevuođa. Ráđđehus lea cealkán ahte dát leat guovllut mat leat measta oalát dáruiduvvon giela hárrái, ja sámegiella lea ain rašes dilis, lasiha Devonas.

  • Dát leat govat maid lágideaddjit leat almmuhan Facebookii: