NRK Meny
Normal

Suhttu sáhttá oahppat stivret

Mo veahkehit bearrašiid gos čuožžilit váttisvuođat, mat čuhcet mánáide? Dasa gávdno ásahus, nugo mat Sis Finmárkku bearašsuodjalan kántuvra.

Vold
Foto: Christian LANTENOIS / PHOTOPQR/L'UNION DE REIMS

 Berit Anette Hætta

Berit Anette Hætta

Foto: Anne Olli

Olmmoš gii geavvá lossa dillái, son ii dárbbaš okto rahčat, go dán áigge ii šat galggašii leat heahpat ohcalit veahkki. Ja jos dán olbmos leat mánát, soaitá leat okto vánhen, de lea veahkki olánmuttos, nu lohká Guovdageainnu mánáidsuodjalusa jođiheaddji Berit Anette Hætta. Sihke bearaš- ja mánáidsuodjalus sáhttá veahkehit.

Ballu čuohcá dearvvasvuhtii

Mánát sáhttet oažžut psykalaš ja maiddái fysálaš váttuid jos guhkit áigge-badjel vásihit issoras dáhpáhusaid. Earret eará sáhttá vánhemiid bealkkašeapmi ja doarrun dagahit mánáide stuorra váttuid, dannego justa vánhemat leat máná lagamuččat ja dorvvut.

Bearaš- ja mánáidsuodjalusas dat dihtet muitalit mo veahkaválddálašvuohta, doarrun ja bealkkašeapmi ruvttuin sáhttá čuohcat máná ovdáneapmái, seammás šaddet dákkáraš mánát gillájeaddjin, dávjá geavvá nu ahte dát mánát dovdágohtet mášuhisvuođa ja danne eai nagat čuovvut milede skuvllas, ja go ollejit nuorravuođa-ahkái de geavvá dávjá nu ahte dát mánát dálkkodišgohtet iežaset mašuhisvuođa gárrenmirkkuiguin, nu muitala psykologa Ragna Lundgaard.

Veahkaválddálašvuohta duddjo veahkaválddálašvuođa

Veahkáválddálašvuođa konferánssas muitaluvvui ahte olbmot geat álget geavahit veahkaválddálašvuođa nuppiid vuosta, sii leat ieža šaddan bajás veahkaválddálašvuođain lágas birrasis.

Eilif Norvang

Eilif Norvang

Foto: Anne Olli

Dáid dieđuid vuođul leat eiseválddit gávnnahan ahte fertejit veahkehit ollesolbmuid geat leat gártan dákkáraš dillái nu leatge bearašsuodjalan eiseválddit ásahan oahppu gos olbmot, nugo mat áhččit ja eatnit ohppet stivret iežaset suhttu. Ná muitala Sis Finnmárkku Bearašsuodjalankántuvrra jođiheaddji Eilif Norvang.

Lea vejolaš beassat suhttus

Dál lea ásahuvvon oahpahus sidjiide geat hálidit beassat suhttus maid dábálaččat eai nagat. Lea vejolaš gulaskuddat Bearašsuodjalankántuvrrain gos dákkáraš "Sinnemestringskurssaid" lágidit.