NRK Meny
Normal

Su mihttu dán dálvvi lea gilvvut Falunis

Ovttastusgilvaleaddji Håvard Klemetsen mihttu dán dálvvi leat máilmmimeašttirgilvvut Falunis.

Håvard Klemetsen

Håvard Klemetsen lohká bures geasset ja čakčat hárjehallan.

Foto: Morten Broks

Dán vahkkoloahpa álgá máilmmicupa Kuusamos suomas, gos Klemetsen lea mielde. Guovdageaidnulaš vuittii mannan dálvve ovttastusgilvvu OG-golli.

Máilmmicupa lea sudnje dehálaš

Mannan vahkkoloahpa válddi 35 jahkásaš bronsa NM gilvvus ja lávvardaga ja sotnabeaivve leat máilmmicupagilvvut Kuusamos, suomas.

Sudnje lea máilmmicupa dehálaš, muhto ii čiegat gal ahte máilmmimeašttir gilvvut Ruoŧas lea dat stuorámus mihttu dán dálvvi.

Lea bures hárjehallan

Son lohká bures geasset ja čakčat hárjehallan, dál galggašii bissut dearvvasin ja buriid bohtosiid fidnet ovdal Faluna, nu galgá leat buoremus vuoimmis dieid doaluin guovvamánus.

  • Guldal ášši: