NRK Meny
Normal

Su máttáráddjá lei dološ beakkán

Else Marie Isaksen lea čohkken olu dieđuid iežas máttus, gii elii ovddit čuohtejagis ja vel njeallja jagi mannan čuohtejagi álggus. Luhkkár - Mathis Isaksen lei Kárášjoga gieldda vuosttaš sátnejođiheaddji.

Else Marie Isaksen

Else Marie Isaksen lea čohkken olu dieđuid iežas máttarádjás, lohká leat somán og son lei Kárášjoga vuosttaš sátnejođiheaddji.

Foto: Anne Olli

Else Marie Isaksen lea čohkken olu dieđuid iežas máttus, Luhkkár, Mathis Isaksenis, gii lei kárášjohkalaš. Son elii ovddit ja mannan čuohtejagis, ja lei beakkánis almmái. Son deaivvadii maid dalá norgalaš-ruoŧŧilaš gonagas Oskáriin Finnmárkkus geassit 1873as, dalle go ieš lei sátnejođiheaddjin Kárášjogas.

Luhkkár - Mathis Isaksen lei Kárášjoga vuosttaš sátnejođiheaddji

Luhkkár - Mathis Isaksen

Luhkkár - Mathis Isaksen lei Kárášjoga vuosttas sátnejođiheaddji, son lei maid luhkkár ja oahpaheaddji. Ja oahpaheaddjin son gal doaimmaid 1851 rájes 1900 rádjai

Foto: Privat

Mathis Isaksenis čállá maid Aage Solbakk iežas ođđa girjjis «Sámi Beakkánat 900 - 1900». Son čállá ahte Mathis Isaksen lei luhkár, oahpaheaddji ja sátnejođiheaddji, muhto son ii lean goassige vázzán oahpaheaddji oahppu, muhto son, Mathis Isaksen finai dušše váldimin eksámena oahpaheaddjiskuvlii 1865, oahpaheiskuvlla Christian Kaurin luhtte. Ja son doaimmaid de oahpaheaddji 1851 rájes gitta 1900 rádjai.

Luhkkár lei Aikio sogalaš

Kárášjoga vuosttaš sátnejođiheaddji Luhkkár - Mathis Isaksen elii 1827 rájes 1904 rádjai. Son gulai Aikio sohkii. Sátnejođiheaddjin lei son 26 jagi, ja oahpaheaddjin ja luhkkárin lei son 1851 rájes 1900 rádjai.

Deaivvadii norgga ja ruoŧa gonagasain 1873

Geassit 1873 beasai Luhkkár - Mathis Isaksen deaivat norgga ja ruoŧa gonagasa Oscar 2. go finai gieldda joavkkuinnis Suohpannjárggas vuolle Deanus dearvvaheamen gonagasa, doppe doalai son guhkes sártni gonagasssii ja loahpahii sáhkavuorus divttain

Nie dat čállá historihkkár Aage Solbakk girjjiistis «Sámi Beakkánat». Else Márjá Isaksen lea maid čohkken olu dieđuid máttarádjás Luhkkáris, Mathis Isaksenis.