Piera Balto lea Kárášjohkalaš gii nuorravuođa rájes lea juoigan. Sus almmustuvai LP-skearru «Piera juoigá» 1978s. Juoigi ja luođit šadde jođánit bivnnuhin. Ja LP:s besse olbmot návddašit luđiid, nugo Normo-Jovnna, Lárina(Orbina), Biret Elle, Dagfin Balto, ja ollu eará.
Ođđa áiggi musihkkarusttegat gáibidedje CD-hámi
Ollu jagit leat gollan das rájes go Per-Baltto-Hánssa Piera luođit almmustuvve CDii, muhto dál leat dát luođit CDs.
Almmusteami oktavuođas bovde ČálliidLágádus erenomáš juoigandáhpáhussii Sámi girjjálašvuođa guovddážii Kárášjogas bearjadaga čakčamánu 18.beaivvi diibmu 1900.