Stuorradiggi politihkkáriid haga
Norgga Ráđđehus lea ásahan válgaláhkalávdegotti, mii galggašii čielggadit ođđa válgaortnega. Maiddái válgabirelohku geahčaduvvo. Ođđa ortnega geažil de sáhttá Finnmárku šaddat Stuorradikki politihkkáriid haga. Dan lohká Finnmárkku fylkka sátnejođiheaddji Ragnhild Vassvik Klassekampen-áviisii. Dán ođđa válgaortnega mielde ii leat guovlluviidodat, muhto olmmošlohku mii mearrida galle áirasa besset Stuorradiggái.