Stuorradiggi nanne sámiid dadjamuša

71 jienain 14 jiena vuostá dohkkehii Stuorradiggi otne rievdadusa Sámelágas, mii mearkkaša ahte sámit besset mielde mearridanproseassain maiddái gielddain ja fylkagielddain. Digaštallamis deattuhuvvui ahte sápmelaš dadjamuššii lea ávkkálaš go láhkarievdadus nanne konsultašuvdnaortnega, vai álkibun šattašii gulahallan almmolaš eiseválddiiguin, Sámedikki ja eará sámi beroštumiid bealis. Sámeláhkii lasihuvvo sierra kapihttal mii čujuha konsultašuvnnaide. Ovddádusbellodat ii doarjjo láhkarievdadusa. Sii ballet ahte lasi konsultašuvdna vejolašvuohta sámiide gáržžida báikkálaš demokratiija.

Votering over endring av Sameloven.
Foto: Skjermdump / NRK