Stuorámus narkotihka ášši

Otne álgá diggi Finnmárkku stuorámus narkotihka áššis. Njealje albmá ja okta nisu, geain leat čanastumit Finnmárkui ja Tromsii leat áššáskuhtton. Politiijaid dieđuid mielde de galget albmát leat vurkkodan ja vuovdán oktiibuot 30 kilo amfetamiinna ja hášša, ja nisu ges lea áššáskuhtton go galgá leat vurkkodan dahje vuovdán suola gálvvuid. Golbma vahku leat biddjon dán áššái Davvi-Tromssa diggegottis.

Korte nyheter

  • Bieggafápmu Davvesiiddas

    Davvesiida ovdagotti eanetlohku háliida ahte gielddastivrra gieđahallá Davvi Vindkraftverk ohcama, go áigot hukset bieggajorripárkka gildii.

    Olggobeale fámut hástalit Davvesiidda gielda gieđahallat bieggajorripárkka huksema, ovdal go ráđđehus ja Stuorradiggi leat gieđahallan ođđa bieggafámohuksen njuolggadusaid, nu cealká Norgga Luonddugáhtten lihttu.

    Sii eai áiggo mearridit galgá go huksejuvvot vai ii, muhto baicca ahte galgá go Davvi Vindkraft ohcamuš gieđahallojuvvot, dadjá Davvesiidda sátnejođiheaddji Sigurd Rafaelsen.

    Sigurd Kvammen Rafaelsen og fjellområdet der Davvi vindkraftverk er planlagt.
    Foto: HANNE BERNHARDSEN NORDVÅG / NRK / ARKIV
  • Eanandoarggástus Geaidnogáissás

    Olbmot dovde eanandoarggástusa viidát maid Ohcejoga gielddas ovdalaš guovtti lávvardat čuovganeapmái, nu čállá Yle Sápmi. Amas julla gullui ja lasaid skiliheapmi dihtui juoba gitta Gáregasnjárgga ja Njuorggáma guovllus ja muhtimat lohke gullan maid dego beaškkiheami. Helssega universiteahta seismologalaš lágádusa dieđuid mielde eana sparahii 2,6 magnituda fámuin Geaidnogáissás Norgga bealde. Guovllu olbmot leat govvidan jiena dego stuorra lástabiilla livčče vuodján ráhpaguora. Julla bisttii logemat sekundda.

    Geaidnogáisá
  • Gáibida ráđđehusa čuovvulit duomu

    Sámediggepresideanta Silje Karine Muotka gáibida Norgga ráđđehusa jođánepmosit čuovvulit Alimusrievtti duomu Fovsen áššis. Lea jo gollan guhtta vahku go duopmu celkui, ii ge Sámediggi leat ožžon makkárge čilgehusaid maid departemeanta áigu bargat, čállá Muotka oljo- ja energiijaministarii. Duopmu mieđihii ahte Fovsen bieggafápmoguovlu Trøndelágas rihkku guovllu badjeolbmuid vuoigatvuođaid.

    Silje Karine Muotka
    Foto: Samuel Frode Grønmo / NRK