NRK Meny
Normal

Stuoradiggi dohkkehii Deanusoahpamuša

Norgga Stuoradiggi lea mearridan dohkkehit Deanusoahpamuša.

Edvard Nordsletta og Steinar Pedersen fra TF følger Stortinget

DEANUSOAHPAMUŠ STUORADIKKIS: Edvard Nordsletta ja Steinar Pedersen Deanučázádaga guolástanhálddasus čuovuiga digáštallama.

Foto: Carl-Gøran Larsson / NRK

Eanetlohku jienastii dohkkehit Deanosoahpamuša, mii lei odne Norgga Stuoradikkis.

Stuorradiggeáirasat Kåre Simensen, Marit Arnstad, Kirsti Bergstø ja Torgeir Knag Fylkesnes ledje evttohan ođđasit šiehtadallat Suomain, dahje jo sihkastit soahpamuša. Dán evttohusa hilggui Stuoradiggi.

Bivdosoahpamuš lea Suomain ovttasbargu, ja mannan vahkku dohkkehedje Suoma riikkabeaivvit soahpamuša.

Dárbu gáržžidit bivddu

Komiteamiellahtut leat buktán odne maŋŋegaskabeaivvi ovddidan iežaset oaiviliid áššis.

Máŋga stuorradiggeáirasa ovddidedje ahte guolásteapmi deanu čázádagas ii leat guoddinana, danne lea dárbu gáržžidit bivddu 30 proseanttain.

Klima- og miljøminister Vidar Helgesen

Klima- ja birasminsttar Vidar Helgesen dadjá stáhtas ferte leat bajimuš hálddašeapmi dán áššis.

Foto: Carl-Gøran Larsson / NRK

Klima- ja birasministtar Vidar Helgesen (Olgeš) dadjá sárdnestuolus ahte ráđđehus ferte gáhttet Norgga beroštumiid, ja oaivvilda ahte ođđa ráđđádallamat eai buvttáše buoret bohtosiid Norgii.

Maiddái áltálaš Laila Davidsen (Olgeš) dadjá leat sihke riekta ja dehálaš gáržžidit luossabivddu Deanujogas.

Dorjo báikegotteolbmuid

Energiija- ja biraskomitea áššejođiheaddji Jan-Henrik Fredriksen bidjá gažaldaga dasa ahte lea go Sámediggi ja báikkálaš áššedovdit ožžon dadjamuša Deanusoahpamuššii.

– Mu čalmmiin ii leat dát dahkkon, dás leat badjelgeahččan báikegotte olbmuid, dajái Fredriksen sárdnestuolus.

Maiddái Helga Pedersen (Bb) oaivvildii ahte báikegotteolbmuid eai leat vuhtiiváldán.

– Ii ovttasge leat eanet beroštupmi seailluhit luosa go báikegotte olbmuin, celkkii Pedersen. Son maiddái ii leat ovttaoaivilis das mo ášši lea gieđahallojuvvon.