NRK Meny

Stuora vuosteháhku bohkamii

Davvi-Norggas lea stuora vuosteháhku oljobohkama vuosttá, dan čájeha ođđa oaiviliskkadeapmi go leat jearrán maid oaivvildit go áigot bohkat olggobeale Lofuohta, Viestterálas ja Sážžá. Olles 56,9 proseantta Davvin vástidit ahte sii eai hálit oljobohkama, dan čájeha iskkadeapmi maid Sentio lea čađahan Klassekampen ovddas. Riikadásis vástidit 49,6 proseantta ii bohkamii, ja 35,5 proseantta leat ges positiivvalaččat oljobohkamii ja 15 proseantta vástidit ahte sii eai oaivvil maidege, dan čállá Klassekampen.