Stoerre dålle Sveerjesne buala

Stoerre dålle Västmanlandesne,Sveerjesne buala. Dihte værtoes-bïegke daam dållem heeseleme.

Skogbrann i Sverige

Skåake buala Sveerjesne.

Foto: JOCKE BERGLUND / TT / NTB scanpix
Journalist

Abpe våhkam daelie Västmanlandesne bualeme. Dihte værtoes-bïegke daam dållem storre dajvem heeseleme. Daan mearan 10 000 hektare skåake bualalgovveme.

Ij leah naan aejkien, daan stoerre skåake dajve Sveerjesne bualeme.

Stravveminie daate dålle tsïhkijehti, gåessie daan ruevtie-geajnoen mietie røønjin. Dellie praedtieh novvijahti daam dållem, mij varkie biegke-raejkien mietie haaseni. Jijnjh almetjh tjoevereme deej sijjien hïejme gåetieh laehpielidh.

Girte viehkie ålkoerijhkeste.

Jåktan dellie girtene viehkie Frankrihkeste jih Italienste bøøtigan, mij edtja viehkiehtidh jih daam stoerre dållem jamhkedh. Dah girth lean sjïehtesjamme dagkeres barkose. Akte haepkie maahta 1000 lijterh tjaetjie lutnedh jih fïerhten aejkien voelkehtidh, mearan dagkeres girte maahta 6000 lijhterh voelkehtidh.

Et fransk vannbombefly lander i Västerås tirsdag kveld

Girte viehkie ålkoerijkeste.

Foto: FREDRIK SANDBERG / TT / NTB scanpix

Dihte soeve jih gaasa noerhtese jakseme.

Gellie almetjh maahteme daam soeve hapsanassem guhkene noerhtene Sveerjesne damteme. Daestie soevijste aaj gaasa sjædta mij daam eatnemem Sveerjesne gaptja.

Daan mearan akte almetje daestie dålleste ååjsetalleme.