NRK Meny
Normal

Stipeanda jorgaleaddjiide

Jorgalanstipeanda ii šaddan sierra áššin Sámiid Girječálliid Searvvi jahkečoahkkimis, vaikke ovddes jođiheaddji mieđihii dan váldit áššin.

Issát Sámmul Hætta

Issát Sámmol Heatta

Foto: Anne Olli / NRK

Gula ášši

Forfatter Rauni Magga Lukkari

Girječálli Rauni Magga Lukkari

Foto: Studio Borga / Scanpix/AFP

Sámiid Girječálliid Searvi ii leat jahkečoahkkimisttis gieđahallan Rauni Magga Lukkari ášši mas son bivdá searvvi ásahit jorgalanstipeandda. Jorgalanstipeanda galggašii buoridit girječálliid dili ruđalaččat, dalle sámi girječálliid girjjit jorgaluvvošedje eará gielaide ja nu oasttášedje eanebut daid.

Stivra gieđahallá stipeandda ortnega

Sámiid Girječálliid Searvvi ovdaolmmoš Issát Sámmol Heatta muitala stivrra áigut geahčadit stipeandaortnegiid ollislaččat. Jahkečoahkkin oaivvildii ahte ollugat dárbbašivčče stipeanddaid, danne ferte stivra guorahallat geat eanemusat dárbbašit stipeanddaid.